„Ég hef ennþá sömu grundvallar hugsjónir… það eina sem hefur breyst er reynslan“
Guðlaugur Þór Þórðarson er fæddur í Reykjavík 19. desember 1967. Foreldrar: Þórður Sigurðsson (fæddur 16. október 1936, dáinn 4. September 2020) fyrrverandi yfirlögregluþjónn og Sonja Guðlaugsdóttir (fædd 12. júní 1936, dáin 17. maí 2018) sem rak bókhaldsskrifstofu. Maki (12. maí 2001): Ágústa Johnson (fædd 2. desember 1963) framkvæmdastjóri. Foreldrar: Rafn Johnson og Hildigunnur Johnson. Börn: Þórður Ársæll Johnson (2002), Sonja Dís Johnson (2002). Börn Ágústu af fyrra hjónabandi: Anna Ýr Johnson Hrafnsdóttir (1991), Rafn Franklín Johnson Hrafnsson (1994).
Guðlaugur Þór hefur sem þingmaður átt setu í fjölda nefnda á vegum alþingis: Félagsmálanefnd 2003–2006, sjávarútvegsnefnd 2003–2007, umhverfisnefnd 2003–2007 (formaður 2004–2007), heilbrigðisnefnd 2009–2011, viðskiptanefnd 2009–2011, efnahags- og viðskiptanefnd 2011–2013, fjárlaganefnd 2013–2017, utanríkismálanefnd 2013–2014. Íslandsdeild þingmannanefndar EFTA 2003–2007 (formaður), Íslandsdeild þingmannanefnda EFTA og EES 2013–2016 (formaður), þingmannanefnd Íslands og ESB 2013–2016 (formaður).